Xornada - As violencias LGBTIfóbicas: armarios, biopoderes e formas de resistencia. 19 de xuño de 2025
Xornada

As violencias LGBTIfóbicas: armarios, biopoderes e formas de resistencia

  1. Inicio
  2. Eventos
  3. Xornada

Xornada

As violencias LGBTIfóbicas: armarios, biopoderes e formas de resistencia

19 de xuño de 2025
Santiago de Compostela
Xornada

As violencias LGBTIfóbicas: armarios, biopoderes e formas de resistencia

19 de xuño de 2025 Santiago de Compostela
@ConsellodaCultura

Gravación íntegra do video En directo: As violencias LGBTIfóbicas: armarios, biopoderes e formas de resistencia

@ConsellodaCultura

Gravación íntegra do video En directo: As violencias LGBTIfóbicas: armarios, biopoderes e formas de resistencia

Os delitos de odio están baseados en estereotipos, prexuízos e a intolerancia cara a sectores da poboación potencialmente vulnerables. Son delitos cometidos contra persoas que son seleccionadas de maneira intencional por unha característica específica que lles é inherente. Buscan menoscabar a dignidade desa persoa causándolle un dano físico, psicolóxico ou emocional. Os delitos de odio por violencias LGBTIfóbicas teñen unha raíz común coas violencias machistas ou patriarcais, violencias que poden chegar a ser comprendidas dentro do marco do cisheteropatriarcado.

Unha vida sen violencias é un dereito. Os Principios de Yogyakarta (2006) recollen no seu quinto principio a obriga de que os Estados adopten as medidas necesarias para previr todas as formas de violencia relacionadas coa orientación sexual e a identidade de xénero e brindar protección contra estas. A realidade é outra. Na análise da evolución dos delitos de odio, vemos un incremento de máis do 60 % nos últimos anos no referido á orientación sexual. A nivel europeo, a ILGA-Europe sitúa o 2022 como un dos anos máis violentos da última década para as persoas LGBTI. Datos moi preocupantes se temos presente que todos os estudos falan de que as denuncias non chegan ao 10 % dos delitos cometidos.

Con esta sexta edición de Pensar con Orgullo queremos abrir o debate sobre as eivas na lexislación e as dificultades para presentar as denuncias que sofren as persoas cando son obxecto dunha agresión. Mais tamén marcamos como obxectivo mirar cara ao silencio como unha condición da opresión e a violencia. Visibilizar as realidades das disidencias sexuais implica abordar as violencias en todas as súas dimensións. Agardamos a vosa participación e debate neste camiño por comprender as violencias LGBTIfóbicas. Erradicar a violencia é unha premisa da liberdade.
Programa
As violencias LGBTIfóbicas: armarios, biopoderes e formas de resistencia
Programa en PDF
Prensa
18-06-2025

Unha xornada e novos recursos polo Día Internacional do Orgullo

Temáticas
Identidade Sociedade
Ficha técnica 
Xornada
As violencias LGBTIfóbicas: armarios, biopoderes e formas de resistencia
Cando
19 de xuño de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Comisión Técnica Temporal de Identidades e Disidencias Sexuais. Consello da
Intérprete
Russ
Presenta
Carme Adán Villamarín
Daniela Ferrández
Enrique Latorre
Enrique Latorre
Relator/a
Carme Adán Villamarín
Mar Barcón
Carlos Callón
Daniela Ferrández
Mai Insua
Ánxela Lema
Xoán Antonio Pérez Lema
Javier Sáez
Miguel Vieito
Organiza
Comisión técnica temporal sobre identidades e disidencias sexuais
Consello da Cultura Galega

Imaxe da portada: Manifestación Xustiza para Samuel, A Coruña, 05-06-21