Posverdade, fascismos dixitais, tecnopersoas, precarización da vida, perda de liberdades, deterioración medioambiental, poshumanismo…Posverdade, fascismos dixitais, tecnopersoas, precarización da vida, perda de liberdades, deterioración medioambiental, poshumanismo…. Enchemos de novos termos os andeis do noso pensamento. Asistimos a unha proliferación de palabras e conceptos para enfrontarnos a unha época convulsa.
A economía do efémero demándanos respostas rápidas e simples ante problemas complexos. Pensar sen présas ou debater ideas e visións diversas do mundo ficaron convertidas en actividades de luxo ou en ideas románticas doutros tempos. Agora todo semella moverse na inmediatez das redes.
Porén, o pensamento necesita tempos de encontro, de compartir devagar perspectivas e dúbidas. Propoñémosvos neste ciclo de charlas, debates e intercambio de ideas un tempo compartido para a reflexión, para abordar os problemas da actualidade, para facer redes de conexións e contribuír a que sexamos un pouco máis libres. O vello dictum ilustrado, sapere aude, hoxe deveu máis necesario que nunca. “Atrévete a pensar” é un exercicio a contracorrente, unha pequena revolución cotiá.
Quedades convidadas e convidados a un espazo compartido de reflexión e análise crítica do mundo que nos tocou vivir. Se pensar vos presta, agardámosvos cunha única condición, a predisposición a gozar das palabras compartidas. Iniciado en 2019, o ciclo Pensarmos continúa no ano 2021 cada cuarto xoves de mes para ofrecernos a oportunidade de encontrarnos con nomes relevantes no pensamento actual que establecerán un diálogo tanto con integrantes da Sección de Pensamento do Consello da Cultura Galega como co público asistente sobre temas tan vixentes como feminismo, fascismos, verdade, intimidade, investigación, precariedade ou humanismo.
Pensarmos
Daniel Turienzo
Desafíos educativos. Como mellorar desde a realidade
Desafíos educativos. Como mellorar desde a realidade
27 de novembro de 2025Santiago de Compostela
Posverdade, fascismos dixitais, tecnopersoas, precarización da vida, perda de liberdades, deterioración medioambiental, poshumanismo…. Enchemos de novos termos os andeis do noso pensamento. Asistimos a unha proliferación de palabras e conceptos para enfrontarnos a unha época convulsa.
A economía do efémero demándanos respostas rápidas e simples ante problemas complexos. Pensar sen présas ou debater ideas e visións diversas do mundo ficaron convertidas en actividades de luxo ou en ideas románticas doutros tempos. Agora todo semella moverse na inmediatez das redes.
Porén, o pensamento necesita tempos de encontro, de compartir devagar perspectivas e dúbidas. Propoñémosvos neste ciclo de charlas, debates e intercambio de ideas un tempo compartido para a reflexión, para abordar os problemas da actualidade, para facer redes de conexións e contribuír a que sexamos un pouco máis libres. O vello dictum ilustrado, sapere aude, hoxe deveu máis necesario que nunca. “Atrévete a pensar” é un exercicio a contracorrente, unha pequena revolución cotiá.
Quedades convidadas e convidados a un espazo compartido de reflexión e análise crítica do mundo que nos tocou vivir. Se pensar vos presta, agardámosvos cunha única condición, a predisposición a gozar das palabras compartidas. Iniciado en 2019, o ciclo Pensarmos continúa en 2025 para ofrecernos a oportunidade de encontrarnos con nomes relevantes no pensamento actual que establecerán un diálogo tanto con integrantes da Sección de Pensamento do Consello da Cultura Galega como co público asistente sobre temas tan vixentes como feminismo, fascismos, verdade, intimidade, investigación, precariedade ou humanismo.
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
Desafíos educativos. Como mellorar desde a realidade
27 de novembro de 2025Santiago de Compostela
18:00 horas
Presentación
18:15 horas Desafíos educativos. Como mellorar desde a realidade
Daniel Turienzo dialoga con Rubén Veloso Carnero
Daniel Turienzo
Xefe de servizo no MEFPD, onde coordina programas orientados á equidade educativa. Anteriormente formou parte da rede educativa no exterior, na Consellaría de Educación da Embaixada de España en Marrocos, e traballou no Ministerio como asesor técnico docente. Impartiu docencia en diversas universidades e actualmente faino no Máster de Políticas e Gobernanza dos Sistemas Educativos da UCJC. Doutor en Ciencias da Educación pola UAM, a súa tese, La equidad del sistema educativo español: estudio comparado de las CC. AA., obtivo o primeiro accésit do Instituto Nacional de Administración Pública. Realizou o Máster en Formación do Profesorado, é licenciado en Psicoloxía e Psicopedagoxía, e graduado en Maxisterio en Educación Infantil e Primaria. A súa investigación céntrase na equidade educativa, a privatización, a segregación escolar e a escolarización temperá. En 2024 publicou, xunto a Jesús Rogero, Educafakes. Colabora con medios como El País, The Conversation, Agenda Pública e El Diario de la Educación.
Rubén Veloso Carnero (Xinzo de Limia, 1979)
Diplomado en Maxisterio (Educación Musical) e licenciado en Historia e Ciencias da Música pola Universidad de Oviedo. Desde 2005 desenvolveu o seu labor docente en secundaria, na especialidade de Música, e desempeñou cargos directivos e titorías no máster do profesorado. Desde 2021 é inspector de Educación, actualmente nos CIFP de Ourense e en centros de primaria e secundaria do oriente ourensán. Impartiu formación en ámbitos como a convivencia escolar, protocolos de prevención do acoso e do risco suicida, currículo e avaliación en ensinos musicais e de FP. Publicou na Revista Avances en Supervisión Educativa e en obras colectivas como Guía para o desenvolvemento do novo currículo nos centros e O proceso de avaliación na nova FP.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
