Ciclo - Cristina Sánchez Muñoz. 22 de xaneiro de 2026
Pensarmos

Cristina Sánchez Muñoz

  1. Inicio
  2. Pensarmos
  3. Ciclo

Pensarmos

Cristina Sánchez Muñoz

Derivas totalitarias no século XXI

22 de xaneiro de 2026
Santiago de Compostela
Ciclo
Pensarmos

Cristina Sánchez Muñoz

Derivas totalitarias no século XXI

22 de xaneiro de 2026 Santiago de Compostela
No ano 2019, antes da pandemia da covid, cando o mundo era outro, comezamos na Sección de Pensamento do Consello da Cultura Galega cunha actividade denominada “Pensarmos”, que na actualidade nos comprace percibir que está consolidada. Gozamos do privilexio de dedicar dúas horas de certos xoves, de 18.00 h a 20.00 h, a pensar de forma colectiva con persoas convidadas que teñen moito que achegarnos para reflexionar sobre cuestións que consideramos importantes do acontecer que nos rodea nestes tempos: democracia, igualdade, liberdade, dereitos, verdade, mentira, coidados, territorio, educación… Estes e moitos outros asuntos foron e serán obxecto de debate, crítica e reflexión nas diferentes sesións do ciclo “Pensarmos”.

O que pretendemos é que sexa un espazo aberto onde encontrármonos as xentes máis heteroxéneas para pensar conxuntamente, como un punto de partida, coas persoas referentes no seu ámbito que convidamos a pensar con nós. O formato dialogado, con quen se encarga de guialo en cada sesión e co público, é deliberado porque a pretensión que nos move é aprender e reflexionar desde as perspectivas máis diversas, sumando ideas, propostas e enfoques, e non dar nada por rematado senón contribuír a ter máis elementos para pensar e tratar de ser un exemplo de praxe de pensamento colectivo. As distintas sesións grávanse e poden verse a posteriori, o que contribúe a formar un elenco de posíbeis ferramentas pedagóxicas, ademais de ser unha adega onde as ideas poden ir conformando unha boa reserva á que volver no futuro.

Pensar, preguntar, propoñer, reflexionar, criticar, dubidar… Estes continuarán a ser os ingredientes das distintas sesións do ciclo “Pensarmos” que iremos programando este ano e nas que vos animamos a participar para que medren e se enriquezan.

Derivas totalitarias no século XXI

Hannah Arendt creou un concepto de "ideoloxía" que desborda o enfoque marxista, pois vai máis alá da súa supeditación ás realidades económicas, e ensinounos a ver o totalitarismo en íntima interconexión con ela como un fenómeno diferenciado do autoritarismo ditatorial. Hoxe, as ferramentas conceptuais que Arendt creou sérvennos para enfocar os procesos do século XXI e velos con nitidez como derivas totalitarias interconexas con ideoloxías que descansan sobre determinadas ficcións políticas (o Gran Israel, a Norteamérica branca…).

Coa axuda da profesora Cristina Sánchez Muñoz tomámoslles o pulso no Pensarmos de xaneiro ás tentacións totalitarias do presente.
Programa
Cristina Sánchez Muñoz. Derivas totalitarias no século XXI. Pensarmos
Programa en PDF
Prensa
21-01-2026

O ciclo “Pensarmos” abre 2026 con Cristina Sánchez Muñoz e unha reflexión sobre os totalitarismos

Ficha técnica 
Ciclo
Pensarmos
Cristina Sánchez Muñoz
Derivas totalitarias no século XXI
Cando
22 de xaneiro de 2026
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Celia Pereira Porto
Relator/a
Antonio Fernández Seoane
Cristina Sánchez Muñóz
Presenta
Rosario Álvarez Blanco
Organiza
Consello da Cultura Galega
Sección de Pensamento (CCG)