Xornada - Territorio e identidade. Apostas dende a ruralidade e o contexto non urbano. 25 de xuño de 2026
Xornada

Territorio e identidade. Apostas dende a ruralidade e o contexto non urbano

  1. Inicio
  2. Eventos
  3. Xornada

Xornada

Territorio e identidade. Apostas dende a ruralidade e o contexto non urbano

25 de xuño de 2026
Palas de Rei
Xornada

Territorio e identidade. Apostas dende a ruralidade e o contexto non urbano

25 de xuño de 2026 Palas de Rei
O territorio concíbese como punto de partida dun pasado en que as paisaxes, tanto físicas como humanas, configuran un modelo para a creación de signos e símbolos de representación propia. Dende esta perspectiva histórica, accedemos a un período en que o discurso identitario parece pasar a un segundo plano, suplantado por correntes internacionais que darán lugar a unha nova realidade social e a unha nova forma de creación artística. Nesta etapa, a esencia redúcese a cuestións formais e materiais vinculadas a lugares, costumes e outras referencias á cultura popular.

Neste contexto, resulta fundamental salientar a importancia destas manifestacións, que abrirán unha relevante conexión intercultural, contribuíndo a prestixiar discursos e propostas dende a periferia.

Superados estes intentos iniciais, producíase unha evolución promovida por un sistema que xera tendencias orientadas á armazón institucional e mercantil, concibida dende a globalidade. Neste escenario, a representación relacionaríase con localismos e propostas pouco significativas que non acadaron unha consideración destacada no discurso artístico.

Será a mediados dos anos noventa, co cambio de século, cando as propostas relacionadas coa identidade e o territorio emerxan de forma tímida nun panorama dominado por informalismos e pola necesidade de detectar diferenzas intercontinentais a través de relacións culturais exóticas que sorprenden pola súa diferenza.

Nesta procura do diferente, acentúase a volta ao medio, que se traducen na recuperación e recollida de manifestacións contextuais nun retorno que favorece a diversidade de formatos e propostas. En moitos casos, estas iniciativas responden máis a intereses persoais que a proxectos comunitarios.

Estes discursos lexitímanse grazas ás achegas teóricas que sustentan a diversidade da produción artística, destacando o compromiso coa cultura e coa identidade, e asumindo a pertenza a unha tendencia inserida nun contexto pospandémico.
ASISTENCIA
Acceso libre e gratuíto até completar a capacidade da sala.
LUGAR
Do Picho
Filgueira 30
27200 Palas de Rei
MÁIS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Programa
Territorio e identidade. Apostas dende a ruralidade e o contexto non urbano
Programa en PDF
Temáticas
Arte
Ficha técnica 
Xornada
Territorio e identidade. Apostas dende a ruralidade e o contexto non urbano
Cando
25 de xuño de 2026
Onde
Palas de Rei
Lugar

Do Picho
Filgueira 30
27200 Palas de Rei

Coordinación
Rosendo Cid Menor
Eduardo Valiña
Relator/a
Juan Díaz-Faes
Ralf Jürgens
Sergio Marey
Ariadna Silva Fernández
Modera
Rosendo Cid Menor
Eduardo Valiña
Organiza
Consello da Cultura Galega
Sección de Creación e Artes Visuais Contemporáneas (CCG)
Colabora
Do Picho

Imaxe da portada: Ariadna Silva Fernández, Fillos do vento.