Manuel Rodrigues Lapa con Ramón Piñeiro

Rodrigues Lapa pidelle a Piñeiro que o informe sobor de como avanzan diversos traballos de investigación no eido da Historia e da conservación de documentos. Tamén lle envía recordos ao seu amigo común Fernández del Riego.

Nesta misiva Rodrigues Lapa torna a agradecer a Piñeiro a laboura de achegamento documental e de información que lle fai dende Galicia. Tamén teima no seu interese polos estudos históricos que coordina Otero Pedrayo dende Galicia. Remata a epístola apelando ao "nível elevadámente europeu de Galaxia".

Manuel Rodriguez Lapa agradécelle a Ramón Piñeiro que lle teña enviado recortes de prensa de interese para o intelectual portugués.

O intelectual portugués escribe a Piñeiro ilusionado coa posibilidade de que se celebre un vindeiro "Congreso do Idioma Galego" que segundo el "tería um extraordinario alcance cultural."

O filólogo portugués fai unha consulta a Ramón Piñeiro sobre o termo "ambrar", e sobre o seu uso en Galicia, tamén lle agradece uns recortes de prensa no que s erecollían fotografías e unha crónica sobre o "1º Festival do Minho."

Manuel Rodrigues Lapa trasmitelle algunhas das súas inquedanzas vencelladas ao eido da lexicoloxía galega, tamén se interesa polo diccionario que está a elaborar Aquilino Iglesia Alvariño. Na mesma carta aproveita para anunciarlle unha próxima viaxe ao Brasil.

Rodrigues Lapa consulta a Piñeiro sobre a dispoñibilidade dunha serie de libros que serán material necesario para impartir un curso que se predispón a impartir en Galicia.

Rodrigues Lapa remite unha nómina de títulos que serán presisos tanto par aimpartir como para seguir un curso que na brevidade impartirá en Compostela, tamén lle solicita mediación a Ramón Piñeiro para que lle procure un hotel confortable na capital do país.

Nesta epístola Manuel Rodrigues Lapa escríbelle a Ramón Piñeiro para trasladarlle as súas impresións logo dun curso impartido sobre lingua. Tamén lle trasmite as súas impresións sobre a novela de Silvio Santiago "Vilardevós."

Rodrigues Lapa remite a Piñeiro varios exemplares da nova edición dunha obra do intelectual portugués para que llos faga chegar a Fermín Bouza Brey e a outros alumnos dun curso sobre lingua que Lapa impartira recentemente en Santiago de Compostela.

O intelectual portugués amosa a súa satisfacción da que fai partícipe a Piñeiro, por ter finalizado un traballo literario.

Rodrigues Lapa logo de ter logrado unha vivenda ocasional en Compostela grazas a mediación do doutor García-Sabell informa a Piñeiro das labores de mantenza precisas mentres el se atopa en Portugal.

O profesor Rodrigues Lapa agradece a Piñeiro unha serie de recortes de prensa que lle enviou, aproveita para remitirlle a 4º edición da súa obra "Estilística da língua portuguesa"

Nesta misiva Rodrigues Lapa aborda a temática da eucaristía en galego, alén do seu autodeclarado ateismo. "sou um ateu empedernido."

O intelectual portugués amosa a súa ledicia pola recente consecución da cátedra de filoloxía galega que obtivera Ricardo Carballo Calero.

Manuel Rodrigues Lapa agradece a Ramón Piñeiro o agasallo da obra "Estudos etimológicos."

Rodrigues Lapa agradece a Piñeiro que lle enviara os Santos Evanxeos en galego.

Rodrigues Lapa anuncialle a Piñeiro unha inminente visita a Compostela antes de partir para o Brasil, na que di que será "certamente a derradeira viage que faço a esse país."

Rodrigues Lapa remite un feixe de exemplares do seu estudo sobre D. Lopo Lias, e encargalle a Piñeiro repartilo entre os contactos galegos do intelectual luso.

Nesta misiva o profesor Rodrigues Lapa relata como a viaxe ao Brasil serviulle para poder visitar a tumba do seu neto. Do mesmo xeito que amosa a súa ledicia por que a cultura galega sería incorporada a un inminente Coloqui sobre a cultura luso-brasileira. di: "De hoje em diante, esses três elementos terão de ser indivisíveis, porque representam, com efeito, uma unidade de cultura, de que se esperam bons frutos. Sempre somos, já hoje, cem milhões!"

Rodrigues Lapa escríbelle a Piñeiro logo dun tempo sen facelo. Infarmao de que estivo a abordar a obra do Arcebispo Lago e que tamén lle fala dunha polémica amizosa e intelectual co historiador M. Rubén García.

Nesta carta Rodrigues Lapa lémbralle a Piñeiro a inminente celbración do Simpósio Luso-Brasileiro de Língua Portuguesa contemporânea, que terá lugar en Coimbra. Tamén matina na idea de celebraren un Encontro Internacional de Lingüística Galega, con reunións informais na Fundación Penzol, o Instituto Padre Sarmiento ou a Real Academia Galega.

Nesta epístola Rodrigues Lapa prantexa unha investigación a Piñeiro na que se pretende detrminar se o topónimo Valdolide segue vivo na fala do país. Este fora oficialmente castelanizado por Valladolid nos nucleos que levaban o topónimo nas provincias de Ourense, Lugo e A Coruña. Rodrigues Lapa proponlle a Piñeiro contactar con Otero Pedrayo para esclarecer o caso ourensán, e con Manuel María para o caso lucense, no Coruñes o intelectual portugués pensara en Antón Fraguas ou Río Barja, aínda que estes se atopaban de vacacións na altura.

Nesta carta Rodrigues Lapa solicítalle a Piñeiro unha copia do seu discurso de ingreso na Real Academia Galega, "A linguaxe e as linguas."

Nesta carta Rodrigues Lapa agradece a Piñeiro que lle teña enviado o seu discurso de ingreso na RAG e lamenta o desleixo da Igrexa galega pola nosa lingua.

Felicitación das festas de Nadal e Aninovo.

Nesta epístola Rodrigues Lapa trasmítelle a Piñeiro a súa adhesión para cos mozos en folga na USC, "os rapazes não costumam defender interesses de ordem material, não estão corrompidos como nós. E por isso, em tese, eu estou sempre ao lado deles."

Nesta carta Rodrigues Lapa anúncialle unha próxima viaxe a Galicia e alédase de que Piñeiro xa esté de volta por Compostela onde di de Piñeiro: "Você faz-nos muita falta aí em Compostela."

Nesta carta Rodrigues Lapa solicítalle a Piñeiro que faga as xestións pertinentes para reservar unha habitación de hotel en Vigo, cidade a que acudirá o filólogo portugués canda a súa señora. Tamén lle informa de que aportará un libro sobre poesía erótica para uns estudos que está a levar a cabo Domingo García Sabell.

Nesta carta Rodrigues Lapa trasmítelle a Piñeiro diferentes proxectos literarios e filolóxicos nos que traballa xunto a outros colaboradores.

Nesta epístola Rodrigues Lapa desenvolve a idea dun Boletín que aborde temas filolóxicos galego-portugueses, no que participen outros intelectuais. Propón chamralle NOROESTE e abordar asuntos vencellados ao ámbito asturleonés o que "deve agradar particularmente ao Constantino García."

Carta mecanografada con anotacións ao marxe esquerdo. Nela o intelectual luso complácese de que se poidan escoitar misas en galego e anuncia que a pesar de ser un "ateu irrecuperável" asistirá a un oficio relixioso na lingua de noso polo puro placer de ouvila "formosa língua galego-portuguesa."

O intelectual lusitano anuncia a Piñeiro nesta misiva que acompañará a intelectualidade galega na celebración da séptima edición do Día das Letras Galegas que ese ano se adican ao poeta galego Antonio Noriega Varela. Tamén se congratula do horizonte que se abre para o galego coa súa presenza, aínda que testemuñal, na ensinanza.

O profesor Rodrigues Lapa excusa a súa incomparecencia na xornada de celebración do día das Letras Galegas por mor de compromisos políticos. O intelectual e militante antifascista Mário Sacramento convidara a Rodrigues Lapa a presidir o "II Congresso Republicano de Aveiro" no que participaron líderes socialistas españois xunto a oposición demócrata ao rexime salazarista. Esta xuntanza ía encamiñada como indica o propio Rodrigues Lapa ao "trabalho para um futuro governo social-democrático" en Portugal.
Igualmente amósase profundamente ledo polo seu nomeamento como membro honorario da Real Academia Galega canda Damaso Alonso.

Rodrigues Lapa trasmítelle as súas condolencias a Ramón Piñeiro logo do pasamento de seus pais. Tamén lle desexa unha boa viaxe aos Estados Unidos de América a onde viaxará o intelectual galego.

Rodrigues Lapa relata a Piñeiro o fraude electoral que leva a derrota da oposición democrática nunhas eleccións parlamentarias do 27 de outubro de 1969 controladas pola Unión Nacional dirixida polo salazarista Marcelo Caetano, logo de que Oliveira Salazar quedase incapacitado para exercer o poder.

Nesta epístola o filólogo luso afirma a súa hipótese da autoría galego-portuguesa da novela de cabalerías "Amadís de Gaula."

Nesta misiva o intelectual portugués alude a necesaria reunificación ortográfica da lingua galega para convertela nun idioma literario.

Nesta carta Rodrigues Lapa pregúntalle a Piñeiro sobre como avanza o debate da inclusión do galego na ensinanza, do mesmo xeito tamén se interesa pola normativización da nosa lingua.

O filólogo luso congratúlase dos lenes avances que experimenta a lingua galega.

O profesor Rodrigues Lapa interésase polo novo Boletín da Real Academía Galega.

Manuel Rodrigues Lapa agradece a Ramón Piñeiro o envío dunha enquisa sobre o galego, tamén trata outras inquedanzas literarias na misiva que remite ao intelectual galego.

O profesor Lapa actúa de intermediario para unha investigadora que está a abordar a edición crítica do trovador Joan Servando, solicitándolle información a Piñeiro sobre unha serie de aspectos. Tamén lle solicita con "urgência" os nomes de quenes finalmente van a participar pola parte galega na "Semana Cultural Galego-Portuguesa."

Lapa propón uns contidos a Piñeiro para que Carballo Calero e Ramón Lourenzo aborden na "Semana Cultural Galego-Portuguesa" que se desenvolverá en Coimbra.

Lapa relátalle a Piñeiro como se desenvolverán as xornadas da "Semana Cultural Galego-Portuguesa" na Facultade das Letras da Universidade de Coimbra, que tería lugar entre o 16 e o 21 de Novembro de 1970.

Lapa escríbelle a Piñeiro co gallo do adiamento da "Semana Cultural Galego.Portuguesa" por diversos motivos.

Lapa pídelle información a Piñeiro para afondar no sentido filolóxico da "saudade."

Logo de agradecerlle a felicitación de Nadal recibida, Lapa apremia por cuarta vez ao intelectual lancarao a fixar un calendario coas intervencións galegas na "Semana Cultural Galego-Portuguesa" que terá lugar en Xaneiro na cidade portuguesa de Coimbra.

Lapa laiase ante a imposibilidade de que Ramón Lorenzo finalmente non poida acudir ao simposio que se organiza no aveiro da Universidade de Coimbra sobre a Cultura Galego-Portuguesa, e propón que del Riego ou Piñeiro lean a súa conferencia, xa escrita.

O profesor Lapa alédase da publicación no "Faro de Vigo dunha páxina enteira en lingua galega, "É um bom sinal dos tempos..."

Nesta epístola confírmase a data e a planificación da "Semana Cultural Galego-Portuguesa" en Coimbra.

Epístola sobre a "Semana da Cultura Galego-Portuguesa"

Lapa fai balance da "Semana Cultural Galego-Portuguesa."

Nesta carta o profesor Lapa terma unha vez máis na importancia de fortalecer os vínculos culturais e comunicativos entre Galicia e Portugal.

Nesta carta Lapa anúncialle a Piñeiro que foi autorizado polo director, de raices galegas, do xornal portugués "República" para elaborar unha páxina sobre Galicia.

Lapa anuncia a Piñeiro que visitará Compostela logo do convite de Constantino García a unhas reunións de traballo organizadas na Facultade das Letras da USC.

Rodrigues Lapa pídelle a Ramón Piñeiro consello e guía para a redacción da páxina sobre actualidade galega que incluirá o diario luso "Rpública", que está encamiñado en verbas do intelectual portugués "a melhor compreensão entre povos irmãos."

O intelectual portugués comenta algúns dos avances en materia académica que ten experimentado a lingua galega.

Nesta misiva Lapa solicítalle a Piñeiro a remisión de "O cabaliño de buxo" da autoría de Xosé Neiras Vilas. Tamén intercambia impresións e solicítalle información ao lancarao sobre a investigación do "Amadís galego-portugués" no que tamén andan investigando os intelectuais galegos Fermín Bouza Brey e Xosé Filgueira Valverde.

Lapa agradece a Piñeiro o terlle remitido dúas obras de Neira Vilas, tamén anuncia a súa intención de abrir un pequeno fondo nun banco galego para que Piñeiro ou outros colegas galegos lle poidan adquirir e remitir as obras galegas polas que teña interese.

Lapa escríbelle dende Costa de Caparica para relatarlle as peripecias as que se ten que enfrontar para sorpasar a censura portuguesa aos seus artigos. De novo agradécelle que lle teña remitido artigos e recortes de prensa sobre a actualidade galega e a cultura e dídelle que o siga facendo.

Nesta misiva Lapa anuncia unha inminente visita a Galicia "só para abraçar aos amigos queridos. Falaremos das nossas coisas."

Nunha primeira parte da carta Lapa relátalle como lle alegrou ver as súas teses reflexadas na obra de Carlos Peregrino Otero "Evolución y revolución en romance." Nunha segunda parte amósase ferido por non ter sido convidado a unhas homenaxes prestadas a Otero Pedrayo en Lisboa.

Nesta misiva Lapa expón a descuberta do Doutor Pedro da Silveira que descubriu a posíbel orixe galega de Fernandeo Pessoa, con raices en San Tirso de Cando, no concello de Outes. O seu antepasado foi Caetano Xosé Piñeiro, que asinaba como Caetano de Lens.

O elemento central desta epístola é a discrepancia sobre o porvir que lle agarda ao galego como lingua. Piñeiro para Lapa é excesivamente optimista. Aproveita a carta para solicitarlle dous títulos da autoría de Xesús Alonso Montero.

A raíz da "leitura apressada" de "Constitución del gallego en lengua literaria", obra remitida por Piñeiro ao intelectual portugués, este descubre unha referencia a Xohán Vicente Viqueira que esperta o seu interese, así solicítalle a Piñeiro máis recursos sobre este autor galego.

Lapa agradécelle a Piñeiro que lle teña remitido uns artigos sobre Xohan Vicente Viqueira, autor que espertou un grande interese no intelectual luso.

Lapa prosegue na súa formulación reintegracionista afirmando nesta misiva: "o que me vale é que eu estou certo de que o galego não morrerá, pois tá vivo, e bem vivo no português, língua de cultura em formidável ascensão."

Nesta misiva o intelectual portugués solicítalle a Piñeiro que lle remita tódos os recurtes de prensa que aparezan en Galicia sobre o seu estudo sobor da recuperación literaria do galego.

Rodrigues Lapa remite un "artiguete" a Piñeiro para ser publicado en Grial, co gallo do primeiro decenio de vida da publicación galega.
Nesta misiva o profesor Lapa interésase por un artigo de José Carlos González publicado en Grial, e grafado en lingua portuguesa.
Tamén convida a Otero Pedrayo e ao propio Piñeiro ou Fernández del Riego, no caso de que o noso remitente non poidera asistir, a visitalo en Anadia.

Lapa envíalle a Piñeiro o "Manifesto para a supervivencia da cultura galega", que aparecerá xunto ao manifesto "Em prol da integração ling¨´istica galego-portuguesa" na revista portuguesa "Seara Nova" de connotación pro-democráticas e anti-salazaristas.
Na carta o profesor Lapa denota as súas diferenzas sobor da normalización e normativización da lingua galega co intelectual galego.
Tamén aproveita a misiva para lembrarlle a Piñeiro que medie para a incorporación de Otero Pedrayo, Álvaro Cunqueiro e o propio Piñeiro á Associção Portuguesa de Escritores.

Rodrigues Lapa remite unha proposta de obras de Otero Pedrayo e Álvaro Cunqueiro para a súa admisión na Associação Portuguesa de Escritores. Tamén lle propón a Ramón Piñeiro a incorporación de Celso Emilio autor polo que o portugués sinte "a maior admiração."

Epístola dun evidente tono combativo no que Lapa expón dende a absoluta convicción as razóns do seu argumentario. Afirma que a realización das arelas reintegracionistas que na altura agroman na cultura galega da man de Craballo Calero ou Montero Santalla, é a realización dos desexos de "Murguía, Villar Ponte, Castelao, Vicente Risco, Viqueira, Correa, Calderón, Paz Andrade."
Tamén formula as súas conviccións iberistas a prol dunha federación peninsular onde galegos e portugueses representen un grupo lingüístico -cultural único que exerza presión dentro desa hipotética realidade socio-política.

O profesor Lapa informa a Piñeiro dunha recente visita a Compostela na que Piñeiro e Sabell non se atopaban na cidade do apóstolo.

Nesta carta Rodrigues Lapa aborda a temática da União Ibérica, achegando o testemuño dos galeguistas históricos neste sentido. Tamén cita a importancia de facer unha edición cun índice de nomes e materias que facilite a lectura do "Sempre en Galiza" que el define como "é a vossa biblia, a nossa biblia."

Nesta epístola o profesor portugués afirma sobre a normalización e normativización do galego: "Otero é realmente o exemplo ilustre daquilo que se não deve fazer em matéria de recuperação literária."

Nesta misiva Rodrigues Lapa amósalle a Ramón Piñeiro as súas preocupacións polo uso político que se está a facer da figura de Ramón Otero Pedrayo. Aproveita para enviarlle tamén un artigo sobre o patriarca das letras galegas que exporá ante a "Juventude de Galiza" em Lisboa.

Nesta epístola Lapa reafírmase nas súas conviccións reintegracionistas e lusistas. Afirmando rotundamente que o galego rodeado por dous romances de prestixio, castelán e portugués, só pode atopar a súa forma literaria e culta no portugués. Tamén rexeita para si a condición de irrealista, e nega que o seu posicionamento sexa utópico por que di: "essa utopía tem sido perfilada de há cem anos a esta parte por boníssimos galegos, entre os quais Castelao o mais genial de todos eles."

Nesta misiva Lapa solicita a corrección dalgúns erros de trascripción presentes no seu artigo "Otero Pedrayo e o problema da língua." Tamén lle anuncia unha posíbel visita a Galicia no próximo verán,"quem sabe se será a última vez!", escribe un Rodrigues Lapa de oitenta anos de idade.

Nesta misiva Rodrigues Lapa teima na súa tese de que o portugués non pode ser considerado outra cousa que non sexa a "expressão literária do galego." El mesmo determina que o profesor Carballo Calero confirma as súas teses no seu artigo en Grial "Murguía contra Valera."
Propón tamén que se a ensinanza do portugués se insitucionalizara en Galicia os mozos do país dominarían a lingua veciña en dous ou tres anos, con tan só tres horas semanais de docencia.

Lapa informa nesta misiva a Piñeiro dunha viaxe a Galicia xa acontecida a finais do verán para promocionar o libro portugués en Galicia da man do seu editor Sá da Costa.

Rodrigues Lapa síntese ofendido por unha crítica que el considera "cachota" (tratamento con propósito de ludibrio), sobre o problema lingüístico. Considera inaxeitado que se utilicen argumentos de Viqueira, ou de Castelao para defender posicións non reintegracionistas. Finaliza a carta solicitándolle a Piñeiro o nome do seu adversario.