RESUMO

A Nosa Terra
n. 40 ( 1/ 12/ 1978)

Na peza central deste número, ilustrada a toda páxina en portada, A Nosa Terra rescata a historia dos galegos emigrantes en Euskadi que participaron na folga de Trintxerpe (Pasaia) de 1931 a través do relato de dúas testemuñas. Os demais contidos avanzados na primeira plana do semanario aluden a unha reportaxe sobre a loita da veciñanza de Vilaboa e Salcedo (Pontevedra) por recuperar os seus dereitos sobre os terreos comunais que foron declarados zona militar para ampliar as instalacións do exército en Figueirido; á entrevista a Aristóbolo Quinteiro, membro do secretariado das Comisións Labregas (CC.LL); e a unha peza centrada na celebración do San Martiño.
[Obs. Páxinas mal escaneadas: 10, 11]