RESUMO

Festa da palabra silenciada
n. 12 ( 1996)

O monográfico rende homenaxe ás escritoras Dora e Pura Vázquez. A revista ábrese cunha entrevista ás autoras e complétase con estudos que propoñen, desde perspectivas diferentes, unha relectura e posta en valor da obra extensa e diversa das dúas irmás. Complétase cunha galería fotográfica e unha antoloxía. A sección temas varios recolle unha entrevista á directora de orquestra Mercedes Padilla, un artigo sobre mulleres e deporte e mais textos a Marguerite Duras, María Eitiz e Mariana Martínez in memóriam. A sección de crítica ábrese co habitual reconto de libros escritos por mulleres en Galicia e numerosas recensións sobre literatura, pensamento e monografías que amosan un momento de alta produción da escrita feminista en galego. A sección de creación inclúe textos de autoras galegas e portuguesas. As ilustracións son de Olympia Ortiz, Rocío García e Rut García.