RESUMO

Rosalía
Ano I, n. 6 ( 7/ 1937)

Número de xullo de 1937, con capa da escultura «Cabeza de Martí» de Esteban Betancourt. As «Directrices» celebran os seis meses de vida da revista e agradecen o apoio de anunciantes, asociados, médicos e prensa cubana. O Noticiario recolle a homenaxe radiofónica do locutor Emerio Santos Ríos desde a emisora CMKC, a próxima voda do cobrador Ángel Lorenzo Albar e a viaxe do Dr. Medina Polier á Habana, xunto co manifesto da Confederación Nacional das Asociacións Municipais de Pais e Mestres. «Presentando a los nuestros» perfila o propio director, Constantino Castro, con texto de Manuel Otero Rama. Romato asina desde Guantánamo o artigo «Propaganda» e a Redacción responde a «Una Lectora» sobre a súa identidade. A parte científica trae «Menopausia» do Dr. Fajardo, o extenso ensaio estatístico do Dr. Medina Polier sobre anestesias (con táboa das intervencións realizadas en Santiago de Cuba), a serie sobre sífilis do Dr. Giró Sierra, os «Consejos a las Madres» do Dr. Font, a «Sección de Laboratorio» do Dr. Padró, o estudo dos focos de infección da boca do Dr. Morlote, os «Términos Técnicos usados en Medicina» e o movemento da Casa de Saúde de maio. No literario, o poema «Los Zapaticos de Rosa» de José Martí con epígrafe do «Esbozo» de Diego Vicente Tejera, tres notas de John Ruskin («De otras latitudes») e os párrafos finais do prólogo de Rodríguez Carracido ao poema «El Maestre de Santiago» de Curros Enríquez. Maximino López relata en «Pequeños Recuerdos de un Viaje» o seu retorno a Galicia tras trinta e dous anos de emigración, e o número comenta a escala na Habana dos 463 orfos da guerra española a bordo do «Mexique» rumbo a México.