Ollos de aula, a revista para as familias do alumnado
Co Día das Letras enriba, as páxinas centrais deste Nº 21 funcionan a modo dun cartaz que convida a realizar as pequenas pero importantes accións que todos/as podemos facer pola lingua na vida cotiá. Tamén vos convidamos a reflexionar sobre o actual modelo desta celebración en "The Walking Dead (versión enxebre)". Así mesmo, Lines Salgado afonda na proba de avaliación de 3º de Primaria e Carmen Díaz Simón responde á pregunta "Como debe educar a escola para a convivencia social?", mentres que Gracia Santórum ofrece as súas sempre interesantes propostas de lecer.

Actualización das gravacións no arquivo oral de Presume de Galego
O arquivo coas gravacións fachendosas xa supera os 60 audios. Lembrade que podedes colaborar con alumnado de calquera nivel educativo animándoo a expresar o seu mundo no seu galego oral, improvisado mais coidado, e que cómpre evitar recitados e memorizacións. Fagámolos protagonistas dos seus intereses e das súas mensaxes, que saiban que o que din -e como o din- interesa, que presuman de galego!

 Con-senso?

Aclaracións da Coordinadora Galega de Equipos de Normalización e DinamizaciónLingüística sobre o falso consenso na política lingüística galega e a manipulación da linguaxe para obter resultados espurios. O "suposto consenso" ao que alude a Xunta arredor do galego é algo "ao que non se pode chegar sen que estean todas as partes, xa non de acordo, senón presentes no debate".