O Concello de Santiago presenta as actividades de Apego para o mes de xuño
2/6/2025
Xa podes consultar o programa completo de actividades deseñado polo Departamento de Lingua Galega do Concello de Santiago para fomentar o uso do galego na socialización da primeira infancia durante este mes de xuño. A oferta, que se desenvolverá no marco do proxecto Apego, inclúe obradoiros de cociña, actividades de psicomotricidade, contos, xogos e espectáculos lúdicos, que nesta ocasión terán como eixo temático a atención á diversidade.
