As persoas seleccionadas realizarán o seu traballo durante o período que abrangue desde o 1 de outubro de 2003 ata o 30 de setembro de 2004, con opción a sucesivas renovacións ata un máximo de 5 anos académicos. As universidades nas que desenvolverán o seu labor docente son as seguintes: Universitat de Barcelona (Barcelona), Universidad de Deusto-Deustuko Unibertsitatea (Bilbao), The University of Birmingham (Birmingham), Universidade do Minho (Braga), Universidade do Algarve (Faro), Ruprecht-Karls-Universität Heidelberg (Heidelberg), Universidad de la República Oriental del Uruguay (Montevideo) e Università degli Studi di Roma La Sapienza (Roma).


Os/as licenciados/as en filoloxía galega, filoloxía hispánica (subsección de galego-portugués) ou filoloxía románica (subsección galaico-portuguesa) que o desexen, deberán presentar a súa solicitude no prazo de 40 días hábiles, contados a partir do seguinte ó da publicación desta orde.


Para máis información, consulte o DOG do luns, 5 de maio de 2003.