A USC facilita de balde a súa colección completa de Esenciais


O Servizo de Normalización Lingüística da Universidade de Santiago de Compostela acaba de abrir o acceso gratuíto a 15 novos títulos da súa colección de Esenciais, polo que agora toda a colección está accesible en liña de balde.

A coleción Esenciais, que podes consultar na Libraría Dixital da USC, está composta por 55 recursos de apoio didáctico en galego, dirixidos tanto ao profesorado como ao alumnado, que condensan en poucas páxinas a parte máis significativa dunha materia.