Cursos de linguaxe administrativa e xurídica galega para o persoal da Administración pública


A Escola Galega de Administración Pública convoca, en colaboración coa Secretaría Xeral de Política Lingüística, vinte e sete cursos de linguaxe administrativa galega e tres de linguaxe xurídica galega (niveis medio e superior) para persoal ao servizo das distintas administracións da Comunidade Autónoma de Galicia. Todos os cursos se desenvolverán na modalidade de teleformación. O prazo de presentación de solicitudes estará aberto entre o 19 e o 31 de xaneiro de 2024.

Podes consultar o texto completo da convocatoria premendo aquí.