Xa poden descargarse da rede os primeiros materiais didácticos multimedia xerados polos mestres que asistiron ós obradoiros Ciberlingua.
(Máis información)

Trátase de ferramentas informáticas para a aprendizaxe que permiten traballar desde unha perspectiva didáctica, e no noso idioma, contidos de materias como lingua inglesa, música, coñecemento do medio, ciencias da natureza, literatura galega, literatura portuguesa, etc. Para o ensino específico da lingua galega tamén atopará unidades didácticas, coma “O museo do til diacrítico” ou “O quirófano dos verbos”.


Todos estes materiais están accesibles en liña e poden descargarse de balde desde o sitio web de Ciberlingua.