A Sección de Lingua do Consello da Cultura Galega crea unha lista de correo especializada en terminoloxía galega coa intención de coordinar os esforzos e compilar os recursos que se producen en Galicia sobre esta materia.
(Máis información)

Con esta iniciativa preténdese fomentar o intercambio de información sobre congresos, cursos, publicacións, recursos, ofertas laborais, así como a posta en común sobre termos concretos, o que reverterá na calidade dos traballos realizados.


A lista ten como destinatarios naturais as entidades e persoas que realicen tarefas de traducción, redacción ou supervisión de textos especializados galegos xerados desde as institucións públicas, académicas, empresas de edición ou traducción e entidades sectoriais de todo tipo, así como especialistas das diferentes áreas de coñecemento ou particulares interesados no tema.


Para acceder ó formulario de inscrición prema aquí.