Presentamos a edición do catálogo da biblioteca persoal de Martín Sarmiento, baseada no manuscrito autógrafo que se custodia na Real Academia de la Historia de Madrid (Ms. 9-1829). O autor elaborou este catálogo arredor de 1748, no tempo en que preparaba o Catálogo de algunos libros curiosos y selectos, para la librería de algún particular, que desee comprar tres o cuatro mil tomos, a petición do seu paisano o pontevedrés Luís Mosquera. Nos anos seguintes incrementouno, engadindo as adquisicións que foi realizando ata o seu pasamento. Deste xeito, no catálogo preséntanse arredor de 4500 títulos da súa biblioteca, que atinxiu, segundo os seus propios cálculos, uns seis mil volumes. Trátase, pois, dunha obra que presenta unha panorámica dos seus vastísimos saberes e dá idea da profundidade da súa erudición, esencial para coñecer os fundamentos do seu pensamento e da súa obra.
[Data da nota de prensa: marzo 2026]
| Título | Catálogo da biblioteca de Martín Sarmiento. Segundo o manuscrito autógrafo |
| Autoría |
Frei Martín Sarmiento |
| Edición |
Henrique Monteagudo |
| Edición |
Xosé Antonio López Silva |
| Transcrición |
Rafael López Loureiro |
| Publicación | Santiago de Compostela: Consello da Cultura Galega, 2026 |
| Edición | 1ª edición |
| Descrición física | 414 p.: il., cor. (Edición dixital) |
| Notas | Esta edición forma parte do proxecto «Obras de Martín Sarmiento» Imaxe da cuberta: Detalle da ilustración da cuberta do libro de Scipione Gentili Opera omnia (Jean Gravier, Nápoles, 1763) |
| DOI | 10.17075/cbms.2026 |
| Materias | |
| Código QR |
|
Gabinete de comunicación
Dúas publicación e un obradoiro no Día do Naturalismo Galego [Data da nota: 6/3/2026].
Presentadas no Día do Nauralismo Galego dúas obras que amosan o carácter innovador de Martín Sarmiento [Data da nota: 9/3/2026].
