No camiño de Santiago: vieiros de fe, vieiros de ideal

Nós: de onte a hoxe

No camiño de Santiago: vieiros de fe, vieiros de ideal

En xullo de 1926, Ano Santo, un grupo de intelectuais e activistas ourensáns emprenderon unha singular peregrinación, camiñando durante catro días de Ourense a Compostela polos vellos camiños dos arrieiros. Consérvase lembranza da viaxe polas oito crónicas que publicou en A Nosa Terra o óptico e escritor compostelán Xavier Pardo Bedía entre ese mesmo mes de xullo de 1926 e abril de 1927.

Os sucedidos da viaxe son un bo exemplo dos numerosos intereses da xeración Nós pola etnografía, a paisaxe, a cultura e a paisanaxe de Galicia. Ofrecemos agora a reconstrución multimedia do roteiro orixinal entre Ourense e Santiago e tamén a súa transmisión en tempo real nas redes sociais, seguindo os pasos dos camiñantes e as súas aventuras polo interior de Galicia nos mesmos días nos que estes levaron a cabo a andaina hai 94 anos. Todo un convite a experimentar o camiño por nós mesmos neste verán.

Segue a viaxe en Twitter e en Facebook a través do hashtag #ocamiñodenós

O roteiro foi editado por Afonso Vázquez-Monxardín Fdz. O proxecto conta coa colaboración das Fundacións Otero Pedrayo e Vicente Risco.






2. Venres, 9 de xullo de 1926: do Carballiño a Silleda

O grupo acomete con emoción e interese o paso polos montes de Irixo e Dozón. É unha gran distancia, pero as paisaxes vistas quedarán para sempre na súa memoria.

Explora o multimedia

3. Sábado, 10 de xullo de 1926: De Silleda á Ponte Ulla

Tralo esforzo da xornada anterior, os peregrinos realizan unha andaina máis moderada que se recrea na paisaxe campesiña que os conduce ata a Ponte Ulla.

Explora o multimedia

4. Domingo, 11 de xullo de 1926: da Ponte Ulla a Santiago de Compostela

No colofón da viaxe, o grupo atópase cos seus amigos no Pico Sacro. Renden homenaxe á montaña, á amizade e os seus ideais antes de emprender o tramo final que os levará a recoller a credencial compostelá en Santiago.

Explora o multimedia