Cantareiras. Día das Letras Galegas 2025

Na súa imaxe

Audiovisual encargado polo Consello da Cultura Galega que recupera a importancia da obra e a figura de Xela Arias. Presta especial atención ao valor da palabra da súa poética e tamén ao traballo de tradución e edición que exerceu en Edicións Xerais de Galicia. Foi elaborado por Illa Bufarda e proxectado no marco da xornada “Xela Arias e Luísa Villalta: letras, interartes, proxectos na fin de século” organizada na sede da institución en marzo de 2014.

Concerto do Día das Letras Galegas

Dedicado ás cantareiras

Agora vou cantar eu

Con esta publicación o Consello da Cultura Galega únese á celebración do Día das Letras Galegas 2025, que este ano sitúa no centro da homenaxe ás mulleres creadoras e transmisoras da poesía popular cantada. Neste caso, a escolma realizada rescata os nomes e alcumes, a voz, o rostro, a localización xeográfica e cronolóxica de catorce cantareiras, espalladas polo territorio galegófono, nunha representación coral e abranguente da diversidade real.

Axudádeme a cantar

Axudádeme a cantar é un documental de seis capítulos que pretende poñer en valor o canto acompañado con percusión de man, unha forma de literatura oral tradicionalmente feminina que gozaba (e goza) dunha extensión e diversidade importantes no territorio galego. Neste documental de seis capítulos contamos coa colaboración de tocadoras tradicionais e participantes en procesos de recollida e divulgación, así como de artistas modernas que beben das fontes desta tradición, falan das súas experiencias e comparten a súa arte connosco.

CANCIONEIRO POPULAR GALEGO

Escoita no Mapa Sonoro de Galicia os rexistros xa publicados do Cancioneiro popular Galego de Dorothé Schubarth e Antón Santamarina, incluídas as voces das cantareiras homenaxeadas e de moitas outras ao longo de Galicia.

.

AS LOUSAS

No Arquivo Sonoro de Galicia do Consello da Cultura Galega consérvanse e presérvanse preto de setecentas lousas de contido galego, e entre elas numerosas referencias de música tomada dos cantares tradicionais.

Xela e Gianni

Os Contos ao teléfono de Gianni Rodari son boa mostra da actividade de Xela Arias como tradutora de literatura infantil e xuvenil. O libro foi publicado pola editorial Juventud en 1986. Neste especial, a tradución de Xela e Valentín Arias cobra vida a través da voz de Charo Pita, ofrecendo doce contos que son tamén un convite a soñar coa fantasía de Rodari.

Cantareiras

Cantareiras

As cantareiras da Vila da Igrexa (Cerceda)Álbum de Galicia.

Nas letras

GUÍA DOCENTEAxudádeme a cantar

Escolma.Non abonda a palabra recitada

Na súa imaxe

Concerto do Día das Letras Galegas

Agora vou cantar eu

Axudádeme a cantar

CANCIONEIRO POPULAR GALEGO

AS LOUSAS

Xela e Gianni

AUDIOVISUAL

Tamén podes explorar

os instrumentos musicais na tradición popular galega

ARQUIVOS, MULLERES E TRADICIÓN