En novembro de 2020 fará 5 anos que a Sección de Patrimonio e Bens Culturais do Consello da Cultura Galega comezou coa iniciativa Encontros Monográficos co Patrimonio Cultural. Facíao impulsada polo daquela coordinador da Sección, Iago Seara Morales, e continuou da man da súa coordinadora actual, Rebeca Blanco-Rotea. Nacían coa vontade de seren encontros abertos á cidadanía para poñer o foco tanto na caracterización de bens patrimoniais como na formulación de tipos de protección deses bens, nas iniciativas para a súa divulgación e socialización ou no debate arredor, incluso, do conflito patrimonial, e nos que a cidadanía estaba chamada a ter un papel activo e participativo. As que comezaron sendo xornadas con tímida asistencia de público acabaron congregando unha asistencia fiel, ansiosa por coñecer o estado actual de moitas intervencións, campañas e iniciativas arredor do patrimonio cultural que non ocupan habitualmente lugar na actualidade mediática. Neste lustro sumamos case 30 xornadas (a última ficou en suspenso por mor do confinamento) nas que xuntamos todo tipo de públicos e intereses que abrangueron dende as últimas técnicas de investigación, o patrimonio arquivístico, a regulación do urbanismo nas cidades históricas, as novas descubertas ou a musealización de elementos patrimoniais. Citas de alto interese para novos públicos que conseguiron consolidarse como un punto de encontro imprescindible para o debate sobre o patrimonio cultural en Galicia. Cómpre nestes días volvermos a vista atrás para lembrar algúns destes encontros e facer fincapé na súa actualidade.
7. O VALOR DA CIDADANÍA
Como última entrega deste ciclo de Encontros 30.5 ofrecemos esta serie, de liña transversal aos anteriores e que inclúe moitos dos xa presentados. Falamos de proxectos en que a cidadanía e a veciñanza teñen un papel fundamental na divulgación do patrimonio, nos que se debate sobre conflitos patrimoniais e nos que o movemento cidadán acaba xerando a construción de proxectos desde abaixo. Os encontros sobre o Guidoiro Areoso na Arousa, o Castelo da Rocha Forte en Santiago, o Castro de San Lourenzo, a Cova Eirós, as minas de Wolfram de Valborrás de Casaio, o Parque Arqueolóxico do Vale do Teva ou as rehabilitacións do barrio da Magdalena en Ferrol, os cascos históricos de Ourense e Ribadavia ou Vigo vello poñen de manifesto a importancia do patrimonio para unha cidadanía que o fai seu e o reivindica como un valor propio para defender, por en valor e amosar ao mundo.O XACEMENTO DE COVA EIRÓS
E O PATRIMONIO ARQUEO- PALEONTOLÓXICO DAS SERRAS ORIENTAISVenres, 27 de maio de 2016
EventoO CASTELO DA ROCHA FORTE
Entre o presente e o futuro dun xacemento arqueolóxicoXoves, 27 de abril e Sábado, 29 de abril
EventoO CASCO VELLO DE VIGO
A memoria, a relación coa cidade e as intervencións públicas na rexeneración urbanaMartes, 25 de setembro de 2018
EventoFERROL VELLO E A MADALENA
As estratexias de recuperación patrimonial, rehabilitación e rexeneración urbanaMércores, 31 de outubro de 2018
EventoOS CASCOS HISTÓRICOS DE OURENSE E RIBADAVIA
O planeamento especial visto a través de 20 anos de experiencia na xestión patrimonialMartes, 27 de novembro de 2018
EventoMEMORIA, CIDADANÍA, REHABILITACIÓN URBANO E XESTIÓN PATRIMONIAL
A debate en Santiago de CompostelaMartes, 26 de febreiro de 2019
Evento