Os días 18 e 19 de abril de 2024, o campus de Vigo acollerá por primeira vez unha edición do ENETI, iniciativa xurdida en 2001 para fortalecer o contacto, intercambio de ideas e promoción dos futuros tradutores e intérpretes.

O Comité Organizador, coma o público destinatario, está composto por estudantes: Alba Carballal, Ana Doval, Melanie Varela e María Herrero. Na web oficial do evento iranse coñecendo, progresivamente, as confirmacións do programa, obradoiros e actividades.