A Facultade de Filoloxía e Tradución da Universidade de Vigo organiza a primeira edición do congreso internacional ParatradIT. Con esta iniciativa, búscase desenvolver eventos científicos que tomen como obxecto de estudo as circunstancias sociais, culturais, políticas e, sobre todo, tecnolóxicas vixentes para traducir entre linguas, na era das narrativas transmedia en pantalla e fóra dela.

As sesións terán lugar do 20 ao 22 de marzo de 2024, tanto en modalidade presencial coma en rede. Para saber máis do programa ou de como inscribirte, visita a páxina de ParatradIT.