Os servizos de normalización lingüística das tres universidades galegas, en colaboración coa Dirección Xeral de Política Lingüística, organizan a segunda edición do Premio “Luísa Villalta” , que ten como principal obxectivo promover a reflexión e dinamización lingüísticas entre a comunidade universitaria.

O premio está dirixido a todo o alumnado de 1º, 2º e 3º ciclo das facultades e escolas universitarias galegas e contará con dúas modalidades: “artigo xornalístico” e “deseño dunha campaña de promoción da lingua galega”.

O prazo de presentación de solicitudes remata o 3 de outubro de 2005.