O Servizo de Normalización Lingüística do Concello de Ames e a Cooperativa Tagen-Ata están a desenvolver unha campaña de galeguización no ámbito da hostalería.

A campaña, que leva por lema “O galego, o mellor dos ingredientes”, ten como obxectivos fundamentais promocionar o sector hostaleiro da comarca e, ao mesmo tempo, fomentar os usos e actitudes positivas cara ao galego. A todos os establecementos que decidan adherirse á campaña achegaráselle un conxunto de materiais útiles como portamenús, gardamanteis, a tradución das cartas ao galego, inglés e castelán ou modelos de carta en soporte informático.

Esta campaña non se cinguirá só ao Concello de Ames senón que se estenderá tamén aos Concellos de Brión e Rois.