O Departamento de Lingua Galega do Concello de Santiago de Compostela presenta o programa de actividades do proxecto Apego que se van desenvolver neste mes de marzo e que, como vén sendo habitual, inclúe xogos, espectáculos en diferentes formatos e contos (que neste mes estarán dedicados á igualdade). Todas as actividades son de balde. As persoas que desexen asistir só deben estar inscritas no proxecto e cubrir o formulario que se lles enviará por correo electrónico.

O proxecto Apego ten como obxectivo fomentar o uso do galego na socialización da primeira infancia e actualmente conta xa con 675 familias adheridas no concello de Santiago.

Para ampliar información, preme aquí.