O Seminario de Lingüística Informática da Universidade de Vigo pon á disposición de todos os usuarios da rede Internet o Dicionario CLUVI inglés-galego (CLIG).
O CLIG está elaborado a partir dun corpus representativo de textos ingleses traducidos ao galego, polo que para cada tradución seleccionada o dicionario fornece un exemplo real de uso documentado neste corpus.

Esta primeira versión do CLIG inclúe 5 324 entradas e 7 998 traducións, que se irán completando en vindeiras versións do programa.