A Secretaría Xeral de Política Lingüística e o Centro Autonómico de Formación e Innovación (CAFI) organizan a X Xornada do Día das Letras Galegas, dirixida a persoal docente, que nesta edición terá como fío temático a vida e a obra de Luísa Villalta. Ademais dos relatorios dos especialistas na obra desta autora, o programa inclúe tamén a participación dos centros gañadores do “Concurso-exposición das Letras Galegas”, que presentarán as exposicións e as guías didácticas premiadas.
As sesións terán lugar o 27 de abril de 2024 no Pazo de San Roque (Santiago de Compostela). O prazo de inscrición remata o 25 de abril.

Para ampliar información, preme aquí.