No marco do seu programa de actividades en homenaxe a Luísa Villalta, autora á que se lle dedicou o Día das Letras Galegas 2024, o Consello da Cultura Galega (CCG) organiza o recital “Entender para vivir”, no que unha ducia de amizades de Luísa Villalta porán voz e conversarán coa obra da autora, nun diálogo plural que combina xornalismo, narrativa, ensaio, teatro e poesía.

A actividade terá lugar o vindeiro mércores 18 de setembro, ás 18:30 h, na sede do CCG, en Santiago de Compostela. A entrada é libre e gratuíta, ata completar a capacidade da sala.