A Asociación de Medios en Galego (AMEGA) conmemorará o Día dos Medios en Galego o vindeiro 7 de febreiro, día no que saíu por primeira vez á rúa, no ano 1976, o xornal O Tío Marcos d´A Portela (primeira publicación de carácter xornalístico redactada integramente en lingua galega).

Neste 2025 o lema da celebración será “A lingua que nos une” e o acto principal terá lugar no Playa Club da Coruña o propio 7 de febreiro a partir das 21:30 h, onde se celebrará un concerto de Leria e A banda da Loba. As entradas xa están á venda en entradium.com . A maiores, a partir dese día habilitarase a páxina web Medidas para o galego, a través da que a cidadanía poderá participar no proceso de elaboración de 100 medidas para mellorar a situación do noso idioma en todos os ámbitos sociais.

Na páxina web de AMEGA tes máis información sobre esta iniciativa.