O Concello de Narón edita a guía En Narón, galego viaxeiro, unha iniciativa promovida polo Servizo de Normalización Lingüística municipal e dirixida ás persoas que visitan Narón e desexan expresarse en galego durante a súa estadía. A obra inclúe vocabulario e fraseoloxía útil (en galego, castelán e inglés) para empregar en bares e restaurantes, para coñecer xente, para preguntar por algún enderezo ou para visitar os lugares emblemáticos do municipio; así como refráns e expresións populares.