A Deputación de Pontevedra publica as bases reguladoras e mais a convocatoria do ano 2025 do circuíto “+Escénicas” de apoio á programación de espectáculos profesionais de artes escénicas en galego nos concellos de menos de 20.000 habitantes da provincia de Pontevedra. Os concellos poderán solicitar un máximo de cinco espectáculos, que se desenvolverán entre o 1 de abril de 2025 e o 31 de marzo de 2026, de entre os grupos incluídos no catálogo +Escénicas. O prazo de presentación de solicitudes estará aberto desde o 17 ao 31 de marzo de 2025.

Así mesmo, a través destas bases regúlase a actualización do catálogo “+Escénicas”. O prazo para a inscrición e modificación de espectáculos por parte das compañías é do 1 ao 28 de febreiro de cada ano natural.

Podes consultar o texto completo da convocatoria premendo aquí.