A Sección de Lingua do Consello da Cultura Galega presenta mañá, día 28 de marzo, ás 12:00 horas, a publicación A sociedade galega e o idioma. A evolución sociolingüística de Galicia (1992-2003), onde se ofrece unha completa radiografía da evolución social do galego nesta última década.

Na presentación, que terá lugar no Salón de actos do Consello da Cultura Galega e estará aberta ao público, participarán o presidente do CCG, Alfonso Zuleta de Haz, e o coordinador da Sección de Lingua, Henrique Monteagudo.