Co ánimo de contribuír á conmemoración do Día das Letras Galegas, A Concellería de Cultura e Festexos do Concello de Ribeira organiza, coa colaboración do Servizo de Normalización Lingüística municipal, o Maio Cultural 2006.

No que respecta á promoción da lingua, o grosso das actividades xirará arredor da animación á lectura e da creación literaria, polo que se organizarán recitais poéticos, conferencias sobre a literatura ou os blogs en galego, un concurso literario para os máis novos e unha exposición sobre Manuel Lugrís.