A Unidade de Cultura Científica e da Innovación (UCC+i) da Universidade de Vigo presenta a Escolma de termos científicos II, un glosario de vocabulario científico-técnico que contén unha selección de 31 termos das áreas da informática, a xestión pública e a bioloxía mariña.

A obra é autoría de docentes e investigadores da UVigo e completa unha entrega anterior presentada a comezos de ano, ambas as dúas elaboradas no marco do Plan de Ciencia de Ida e Volta 2025-2026.