O Servizo de Normalización Lingüística do Concello de Carballo, en colaboración coa Concellaría de Igualdade, organiza unha nova edición do programa De landras a carballos, co obxectivo de ofrecerlles ás familias con nenos/as de entre os 5 e os 11 anos espazos culturais, educativos e lúdicos propicios para o uso do galego.

O programa deste ano 2026 desenvolverase entre os meses de febreiro e xuño nas Escolas do Xardín Agra de Caldas (Carballo).