O Servizo de Normalización Lingüística (SNL) do Concello de Carballo promove desde o curso 2022-2023 a Escola de Regueifa de Carballo, dirixida pola regueifeira Lupe Blanco, co obxectivo de fomentar a recuperación e a renovación da improvisación oral en verso e, ao mesmo tempo, favorecer novos espazos de uso para o galego.

A primeira sesión do novo curso tivo lugar o pasado venres, 5 de setembro de 2026, mais as persoas interesadas en participar nesta iniciativa aínda están a tempo de inscribirse. Na páxina web do SNL tes máis información.