A programación do Departamento de Lingua do Concello de Santiago de Compostela para o Espazo Apego énchese en novembro de meigas e feitizos.

Os xoves de Tachán! traerán dúas propostas cheas de contos e música coa Compañía de Teatro Ghazafelhos o 12 de novembro e Brais das Hortas o 26 de novembro. Estas actividades forman parte da programación mensual, na que vas atopar actividades como Enredando e lingoretando, Tardes de contos e A lingua medra.