Sae á rúa Longa Lingua, publicación periódica editada pola Mesa pola Normalización Lingüística que ofrece un novo espazo para a análise e o debate sobre lingua e sociedade en Galicia.

A revista, de periodicidade mensual e cunha tiraxe de 5 000 exemplares, quere servir tamén de foro de debate no ámbito educativo, polo que achegará ao longo dos diferentes números materiais didácticos de utilidade para os equipos de normalización lingüística.