No marco da campaña xeral de promoción lingüística En galego tes todo por dicir. E Logo!, a Secretaría Xeral de Política Lingüística presenta a iniciativa Xeración E Logo!, destinada a fomentar a transmisión lingüística entre pais e fillos.

A través desta actuación, o Servizo Galego de Saúde entregaralles a todas as mulleres en estado de xestación en Galicia unha carpeta-maletín con información e consellos de puericultura, un caderno do embarazo, recitativos para o bebé e un disco con cantos de berce.