A Coordinadora Galega de ENDL nace coa finalidade de establecer dinámicas de colaboración entre os equipos de dinamización e normalización lingüística dos centros públicos e privados de todo o país e compartir experiencias no campo da normalización do idioma.

A entidade creouse logo dunha reunión, que tivo lugar o pasado 28 de marzo, á que asistiron arredor dun cento de coordinadores/as de ENDL e acordaron, como primeira iniciativa, a elaboración dun manifesto sobre a anunciada derrogación do Decreto 124/2007.