A plataforma cidadá ProLingua presentará o vindeiro venres
5 de febreiro a súa primeira publicación 55 mentiras sobre a lingua galega, coordinada por Xosé-Henrique Costas, profesor da Universidade de Vigo.

A obra, que se presentará simultaneamente en máis de sesenta localidades (tanto en Galicia como no Estado español e no estranxeiro), ten como obxectivo ofrecer un argumentario rigoroso que axude a sociedade galega a comprender o actual debate lingüístico, así como a desmontar as falsidades e os prexuízos que neste momento están instalados no discurso sobre o idioma.