O Concello de Carballo presenta o programa de actividades que se desenvolverán no municipio ao longo do mes de maio, co obxectivo de conmemorar o Día das Letras Galegas e ao mesmo tempo fomentar a transmisión da lingua.

O programa, que reserva un lugar destacado para a V Semana do Libro e a Lectura, inclúe tamén exposicións, concertos, representacións teatrais, concursos de pintura e maratóns de lectura, entre outras actividades.