A Axencia Tributaria acaba de editar, coa colaboración da Xunta de Galicia, a versión en lingua galega do Manual práctico do imposto sobre a renda das persoas físicas (IRPF) do exercicio 2009.

O documento ten como principal obxectivo facilitarlles aos contribuíntes o cumprimento das súas obrigas tributarias, achegando exemplos prácticos que pretenden facer máis accesibles os textos fiscais. Así mesmo, a edición en galego do documento ten como finalidade ofrecer á cidadanía recursos que lle permitan vivir en galego en todos os ámbitos sociais.