O Servizo de Asesoramento Lingüístico do Colexio de Avogados de Santiago de Compostela organiza, en colaboración coa Secretaría Xeral de Política Lingüística, a cuarta edición da xornada Xustiza e lingua, reflexións para a normalización, que nesta ocasión xirará arredor das claves e os desafíos para a posta en valor do galego na xustiza.

A xornada terá lugar o vindeiro 24 de novembro, ás 19:00 h, no salón de actos do colexio de avogados compostelán.