A Concellaría de Normalización Lingüística do Concello de Pontevedra organiza, en colaboración cos EDL dos centros de ensino secundario do concello, o II Club de Debate, actividade dirixida ao alumnado de 4º da ESO e 1º de Bacharelato que ten como obxectivo promover o uso oral do galego entre a mocidade.

O debate constará de dúas fases (unha fase preliminar o sábado 19 de febreiro e unha final o sábado 26 de febreiro).

Os premios son unha viaxe dunha fin de semana e un vale de 300 € para o equipo gañador e un vale de 300 € para o equipo finalista.

A entrada aos debates está aberta ao público.