No marco da campaña “En galego, agora e sempre”, promovida pola Asociación de Funcionarios para a Normalización Lingüística (AFNL), o Concello da Estrada organiza un acto de homenaxe ao polifacético escritor estradense Marcial Valladares e á súa irmá Avelina Valladares, cantora do Ulla.

No transcurso do acto colocaranse dúas placas en galego no cemiterio de Berres indicando onde repousan os restos mortais dos homenaxeados. Intervirán Xosé Luna, biógrafo dos autores; Xosé Martínez, representante da AFNL; José López, alcalde da Estrada e familiares dos irmáns Valladares.

A homenaxe terá lugar na igrexa e cemiterio de Berres - A Estrada, o vindeiro 30 de outubro de 2011, ás 12:00 h.