O Servizo de Normalización Lingüística do Concello de Pontevedra organiza, en colaboración cos EDL dos centros de ensino secundario do concello, o III Club de Debate, actividade dirixida ao alumnado de 4º da ESO e 1º de Bacharelato que ten como obxectivo promover o uso oral do galego entre a mocidade traballando a oratoria e a fluidez comunicativa.

Logo da sesión formativa que tivo lugar o pasado 26 de novembro, o alumnado participante terá ocasión de demostrar a súa competencia comunicativa en galego nos debates que terán lugar no Café Moderno o 28 de xaneiro de 2012 (fase eliminatoria) e o 4 de febreiro (fase final).

Se desexa máis información, prema aquí.