O grupo de teatro Chévere presenta Amores Prohibidos 2.0, un proxecto teatral interactivo e participativo que versiona a historia de Romeo e Xulieta, agora Romero e Xiana, co conflito lingüístico como marco.

A historia está a ser narrada desde o pasado 23 de abril por un grupo de 24 alumnos do IES A Cachada de Boiro que se comunican a través de vídeos, fotos, chats, audios e mensaxes nas redes sociais. Trátase dunha iniciativa innovadora que lles permite aos espectadores seguir a historia en tempo real a través de internet, consultar resumos diarios e mesmo interactuar cos personaxes.