A Comisión de Normalización Lingüística da Facultade de Ciencias da Educación e o Servizo de Normalización Lingüística da USC organizan a cuarta edición destas xornadas, que nesta ocasión teñen como eixo temático “a lingua galega e o plurilingüismo”.

O obxectivo é analizar a implantación do decreto do plurilingüismo nos centros de ensino non universitario.
As sesións terán lugar os días 19 e 20 de outubro de 2012 no salón de actos da Facultade de CC. da Educación (Campus Sur). O prazo para formalizar a matrícula remata o 16 de outubro.
Para obter máis información sobre o programa e os trámites de inscrición, prema aquí.