Con motivo da conmemoración do 150 aniversario da publicación de Cantares gallegos, obra fundacional do Rexurdimento das letras galegas, o Consello da Cultura Galega organiza o congreso Rosalía de Castro no século XXI. Unha nova ollada, estruturado en cinco xornadas que terán lugar entre os meses de febreiro e xuño de 2013.

Os principais obxectivos do congreso son amosar a vixencia da obra de Rosalía no século XXI, visibilizar as diferentes perspectivas de análise que se desenvolveron nas últimas décadas e estimular novas lecturas críticas.
En paralelo ás xornadas presenciais, desenvolverase unha programación virtual, aberta a comunicacións libres.