A Secretaría Xeral de Política Lingüística convoca unha nova edición de cursos en liña preparatorios para a acreditación do nivel
Celga 1, dirixidos principalmente a persoas estranxeiras, non galegofalantes ou que carezan de formación en lingua galega. Os cursos desenvolveranse entre o 1 de abril e o 7 de xuño de 2013 e o prazo de matrícula remata o vindeiro 14 de marzo.

Con posterioridade, o 9 de xuño, terán lugar en Santiago de Compostela, Ponferrada, Madrid e Barcelona as probas para obter a acreditación do Celga 1.